Винарство

5 видови на тапи за шишиња и нивното влијание врз стареењето на виното

5 видови на тапи за шишиња и нивното влијание врз стареењето на виното

Дали некогаш сте се запрашале зошто постојат толку различни видови на тапи за да се затворат шишињата со вино? И кои се најдобрите?

Тапата е основната компонента за висококвалитетно вино! Секое вино е многу различно од друго и секој вид си има своја тапа. Постојат пенливи вина со висок притисок, вина кои се наменети за долго чување така што му требаат совршено затворање и млади вина на кои им е потребна размена на гасови и многу други. 

Ова се 5те главни видови на тапи: 

 

ПРИРОДНА ПЛУТЕНА ТАПА

Ова е најстар и најпознат вид на плутена тапа за шише со вино. Почнува да се користи уште од времето на античките египјани со цел да се затворат садовите во кои имало храна или течности кои требале да се сочуваат или транспортираат. Природната плутена тапа е избрана поради своите добри својства, а тоа се: водоотпорност и еластичност, елегантност, цврстина, обновливост, добро го изолира виното од надворешни агенси и имаме стотици години вредни примери што покажуваат колку добро може да старее виното повеќе децении. Но, најпримамливата особина на природната плутена тапа е дека таа е природен ресурс, воедно и најголем недостаток. Промена во температурата и влажноста може да доведе до проширување или намалување на природната плутена тапа а со тоа и предвремено стареење на виното во шишињата. Природната плутена тапа исто така е подложна на трихлороанизол, бактерија која може да го уништи вкусот на виното. 

Плутената тапа е уникатна по тоа што е еден од ретките производи за кои е потребна специјализирана алатка – спирален отварач – за да се извлече.

Постојат 3 видови на природни плутени тапи: 

  • 1 парче природна плутена тапа – единствена плутена тапа во која треба да верувате во случај на стареењето на виното многу повеќе од 5 години, бидејќи нејзината сунѓереста флексибилност останува најдолго издржлива.

  • две или повеќе парчиња природни плутени тапи залепени заедно – овој вид се прави за големи шишиња во кои виното не е наменето за пролонгирано стареење. 

  • колматирана плутена тапа  – кај овој тип плутени тапи несовршеностите се отстрануваат со лепак и прав од плута така што се исполнуваат дупките. Се употребуваат за вина со средно стареење (најмногу 3 години). 

 

СИНТЕТИЧКА ТАПА

Овој тип на тапи во винската индустрија почнуваат да се употребуваат уште од пред 40 години. Обезбедуваат совршена компресија во шишето со вино и се наменети за млади вина од 1 до 3 години. Синтетичката тапа е стерилна па затоа не може да биде нападната од мувла. Постои во повеќе бои што дозволува прилагодување на пакувањето од винариите. Предности на синтетичката тапа се: отпорна е на подолг временски период, гарантира совршена компресија, исто така шишето може да се чува во вертикална положба бидејќи не мора да биде влажна за да го зачува својот интегритет. Од друга страна, според некои луѓе, негативниот аспект е тоа што додава хемиски мирис во виното. Исто така сé уште немаме многу примери на вина стареени подолги периоди под овие релативно нови затворачи.

 

МЕТАЛНИ ЗАТВОРАЧИ СО НАВОЈ

Во 1970-тите, некои австралиски производители на вино, кои биле фрустрирани од својствата на природната плутена тапа кои предизвикувале проблеми, почнале да експериментираат со затварање на вината со овие метални затворачи. Овој вид се целосно имуни на TCA инфекцијата, тие добро се справуваат со варијациите на температурата и влажноста и можат повторно да се искористат за привремено складирање на виното додека сé уште е во шишето. Со нивна употреба не е потребно виното да се чува во хоризонтална положба и имаме многу примери каде виното старее подолго време под овие затворачи. 

 

КРУНСКИ ТАПИ

Овој тип бил патентиран во XIX век. Се употребува за пенливи пијалаци бидејќи е многу силна при висок притисок. Предноста е тоа што се поефтини за разлика од другите видови, но со нив не можете да го искусете магичниот момент при отварање на шишето. 

 

СТАКЛЕНИ ТАПИ

Конечно, тука е стаклената тапа, иновација во последните години. Со неа можете да го отворете шишето без отварач и можете да го отворите и затворате секој пат кога ќе посакате. Постои мал печат кој гарантира совршено затворање на шишето. А негативен аспект е цената, стаклената тапа е премногу скапа.