Совети/Друго

Што значи декантација и зошто е важна за виното

Колку и да е важна улогата на декантирањето на виното, овој процес не ја бараат сите шишиња. Всушност, мнозинството на вино произведено денес кое е наменето за потрошувачка е во принцип “Pop and Pour” (вино кое не бара декантирање по отварањето). Па, кои шишиња треба да бидат декантирани и кои можат да поминат без декантирање?

Најпрво важно е да ги разбереме основните принципи што стојат позади овој процес, бидејќи тие се однесуваат на специфично шише – без разлика дали е младо и стареено (моќно). 

Декантирање на младо вино

Декантирањето на младото вино е честопати неопходно. Изложеноста на кислород има тенденција да ја омекне таничната структура, да ја зајакне аромата на виното и дозволува да се појават основните овошни вкусови на виното, дозволувајќи му на виното да се отвори и да дише. Декантирањето во голема мера го забрзува тој процес.

Ако не сте сигурни дали треба да се декантира виното што сте го отвориле, истурете си најпрво во чаша. Ако виното во вашата чаша ви изгледа малку сурово и затемнето од цврстата структура на танините, тогаш декантирајте го.

Декантирање на старо вино

Сте отвориле вино што ја достигнало својата врвна зрелост, особено повеќе од 10 до 15 години. Иако можеби ви се чини малку нелогично да се изложуваат ваквите зрели вина на кислород (бидејќи тие одамна еволуирале во текот на нивната незрела фаза) во оваа ситуација, процесот на декантирање служи со друга намена.

Со текот на времето, виното почнува да формира талог. Иако ова е природно и е целосно безопасно, може да донесе горчлив и адстрингентен вкус, па затоа треба да преземете мерки за да се отстрани талогот пред консумирање. Најпрво, исправете го шишето да постои неколку часа за да се смират честичките, а потоа полека и внимателно декантирајте. Кога ќе поченете да го приметувате талогот на грлото од шишето – застанете. 

Општо, не треба да го оставите долго време виното да дише во декантерот, бидејќи вишокот кислород може да ги расипе деликатните карактеристики на виното. Како и да е, зрелото вино понекогаш може да биде малку затворено. Ако некогаш сте поминале долго време во мал простор, веројатно ќе можете за момент да сочувствувате со состојбата на виното кое поминало години, па дури и децении, во шише: Понекогаш им треба малку простор да дишат и да ги истегнат екстремитетите.

Ако виното има добар вкус, нема потреба да чекате премногу долго. Повторно, пристапот споменат погоре – пробај пред да декантираш – најдобро функционира.

Што ќе ви треба

Декантирањето на вино не бара фенси опрема. Сè што ви треба е сад (декантер), кој доаѓа во повеќе форми и големини.

За помладите вина, се препорачува да се користи широк облик на декантери. Идејата е да се изложи што е можно поголем дел од површината на виното на воздухот. За постарите вина се препорачува поголема зашилена форма. Во овој случај, поентата е повеќе да се отстрани само талогот отколку да се аерира виното.

Во краен случај, речиси секој чист сад би ја имал истата примена: бокалче за вода, празна вазна, па дури и сад од блендер. Без оглед на садот што ќе одлучите да го користите, само проверете дали е чисто и суво пред да го претурите виното.