Совети/Друго

Основна карактеристика на виното: БОЈАТА!

Првата евалуација на виното е анализа на бојата! Но, дали знаете колку видови на боја постојат помеѓу различните сорти на вино? Првата селекција ги идентификува трите големи категории што сите луѓе ги знаат:

  • бела,
  • розе и
  • црвена.

Овие категории имаат различни нијанси на бои кои се детерменирани од хемиски / физички карактеристики на виното. А како Вие да ја процените бојата на виното и да го дознаете значењето на истата продолжете да го читате овој текст. 

Најдобро ќе ја дефинирате бојата ако земете бела позадина, лист хартија или бела салфетка. Наклонете ја чашата под агол од 45 степени и обрнете внимание на длабочината и интензитетот на бојата на виното.

Повеќе фактори влијаат на бојата на виното. Некои од нив се:

  • староста на виното, 
  • потекло на виното,
  • сортата на грозјето,
  • винификацијата,
  • мацерацијата и други.


Доколку белото вино е постаро ќе имаме жолтеникава боја која ќе се движи од златно – жолта до темна килибар нијанса. Килибар нијанса имаат и оксидираните вина. 
Доколку доаѓа од постудена клима, виното ќе има посветла боја за разлика од вината кои се од потоплите региони поради количината на пигментите кои се наоѓаат во лушпата на грозјето. 
Доколку вината се зреени во дрво ќе имаат златно – жолта нијанса. 
Црвените вина за разлика од белите кои со годините потемнуваат, ја губат својата боја во талогот. Честопати знаат да примаат кафеави нијанси. 
Доколку белото вино е зреено во дрво нивната боја ќе биде подлабока, додека кај црвените вина кои подолго време се зреени во дрво ќе се јават посветли тонови. 
И црвените и белите вина што доаѓаат од потоплите региони ќе имаат потемна боја од вината што доаѓаат од постудените клими. 
Црвените сорти на грозје како што се каберне совињон, сира / шираз и други даваат потемни вина, бидејќи лушпата им е подебела. 
Додека сорти на грозје, како што се пинот ноар, даваат вина со посветла боја и нежни проѕирни нијанси. 

Бојата потекнува од лушпата на грозјето

Кога грозјето се пресува се ослободува сокот кој е скоро секогаш безбоен или златен. Ако се произведува бело вино брзо се отстрануваат лушпата за да не се екстрактира многу боја. Додека пак, се прозиведува црвено вино или розе вино (по одреден метод) тогаш лушпата, ширата и семето се оставаат заедно некое време во танкот со цел да се екстрактира повеќе боја / мацерација.  

За подлабока боја, мацерацијата трае неколку дена до неколку недели. Колку подолго лушпата останува во сокот/ширата, толку подлабока ќе биде црвената боја.

Бојата и танините се поврзани

Покрај пигментот, лушпата на црвено грозје содржи и танини. Танините се она што го суши вашиот јазик додека пиете црвено вино. Ако сакате многу танин во вашето вино, оставете ја лушпата подолго; потемна боја има тенденција на еднакви повисоки танини.

Покрај тоа што танините придонесуваат за вкусот на виното, тие помагаат правилно да старее виното. Бојата се менува како што старее виното. Белите вина генерално не се направени да траат долго и со текот на времето стануваат портокалови. Црвените пак, стануваат кафеави.

Бојата е првиот индикатор за вкус

Едноставно кажано, бојата дава чувство за тоа што ќе го вкусуваме. Ако белото вино има бледо жолта боја со мала зелена нијанса, може да очекувате дека ќе биде лесно и свежо. Ако ја навалите чашата со црвено вино над бело парче хартија и не можете убаво да ги видете вашите прсти низ виното, најверојатно ќе биде многу концентрирано и со полно тело.

Дали сте подготвени за вашата органолептичка анализа на виното? Сигурна сум дека после ова, бојата на виното во вашата чаша ќе добие многу подлабоко значење.