Останато

Кои се тајните за успешно готвење со вино

Една од главните причини да почните да готвите со вино е да додадете киселост во храната, а тоа носи други вкусови.

Избор на вино
Прво и најважно правило: Користете вина во храната што би ги пиеле лично вие!!
Ако не ви се допаѓа вкусот на виното, нема да ви се допадне и вкусот на јадењето кое сте го приготвиле со виното што сте го избрале да го користите во рецептот. Не потпирајте се на таканаречени вина за готвење! Овие вина се обично солени и вклучуваат други адитиви кои можат да влијаат на вкусот на јадењето. Скапо вино не е потребно, иако ефтиното вино нема да ги истакне најдобрите карактеристики на вашата храна во чинијата. Виното со добар квалитет, ќе ви овозможи ист вкус како да сте готвеле со врвно вино. Премиум виното оставете го за да го послужите со оброкот.
Младите вина со овошни ноти додаваат најдобар вкус во чинијата. Кога готвите со вино, ги концентрирате вкусовите на виното и испарувате поголем дел од алкохолот. Колку подолго гответе, толку повеќе алкохол се испарува, но според научникот за храна Ширли Кориер, дури и по 2 ипол часа на вриење, малку алкохол сепак останува во храната.
Без разлика дали користите црвено или бело, младите вина со чисти овошни ноти најдобро функционираат.

Користете суви бели вина со поголема киселост. Овие вина се познати како „свежи вина“. Совињон Бланк, Пино Грижо, Пино Грис, Пино Бланк, и сувите пенливи вина се особено добри поради нивните свежи овошни ноти на цитруси и зелено јаболко. Белите вина со силни, дабови вкусови, како некои Шардоне вина, не функционираат добро, со готвење стануваат горчливи и не додаваат ништо пријатно во храната.
Користете суви црвени вина со умерени танини. Мерло, Пино Ноар, Санџовезе со полесен стил се добри. Како и со белите вина, така и со црвените, киселоста ќе пробие други вкусови во чинијата. Вкусот на црвено овошје кај овие вина додава длабочина, под услов да нема јаки танини како кај Каберне и Сирах или даб за да ги засени тие вкусови.
Користете слатко или десертно вино за печива или десерти.

Виното во кујната има три главни намени: како состојка во маринада, како алтернативна течност за готвење и како арома во готовата храна. Неговата функција е да се интензивира, зајакне и да се нагласи вкусот и аромата на храната.

Мора да внимавате на количината на вино – премногу малку е недоволно, а премногу би било надмоќно и вкусот на виното може да доминира повеќе од храната. Мало количество е сосема доволно да го подобрите вкусот.

Виното може да биде добра замена и за маснотиите во чинијата. Наместо да го приготвите зеленчукот со многу путер или масло, може тоа да го направите со помала количина масло плус малку вино за вкус и течноста.
Наместо да правите маринада со 1/2 масло, намалете го на 1/4 чаша и додадете 1/4 чаша вино.
Наместо да додадете 3/4 чаша масло во рецепт за торта, додадете 3/4 чаша бело или десертно вино.

Некој сигурно се прашува што се случува и со сулфитите. Како и со алкохолот тие испаруваат за време на готвењето, а останува само вкусот и тие немаат никакво влијание врз него. Вриењето на виното го концентрира вкусот – киселоста и сладоста.

Внимавајте и на тајмингот – не треба да се додава пред самото сервирање, дадете му време да го пренесе својот вкус на храната, во спротивно ќе се случи да го намали нејзиниот квалитетот. Може да го додавате постепено во текот на готвењето.

Запомнете дека секое вино не се додава во храната и во секоја храна не се додава вино. Користете само ако во вашиот рецепт има нешто што ќе придонесе во вашата чинија.

Готвењето со вино е навистина авантура! Само продолжете да експериментирате со вкусови сè додека не дознаете што ви се допаѓа.